ದೂರ ಹೋಗು ನೆನಪೇ
ಸುಳಿದು ನನ್ನ ಕಾಡಬೇಡ
ಒಲವ ಕದವ ತೆರೆದು
ಮೋಹಕ‌ ಸಂಚು ಹೂಡಬೇಡ
ತಣ್ಣಗಿದೆ ಈಗ ಎದೆಯ ಸುಡುವ ಜ್ವಾಲೆ
ಕೆಣಕದಿರು ಮತ್ತೆ ಶಂಕೆ ಧೂಮ ಮಾಲೆ

ಹರಿವ ನೀರಿನಲಿ ದಿಕ್ಕು ತಪ್ಪಿದ
ಬದುಕ‌ ನಾವೆಯೆಷ್ಟೋ
ಸುರಿವ ಮಳೆಯಲ್ಲಿ ನೀರು ಬತ್ತಿದ
ಕಣ್ಣ ತೊರೆಗಳೆಷ್ಟೋ
ಸುಮ್ಮನಿದೆ ಎಲ್ಲಾ ನೋಡಿ ಕೂಡಾ ತೀರ
ಮೊರೆಯುತಿರೆ ಅಲ್ಲಿ ಕಡಲ ಒಡಲು ಭಾರ

ಹೂವ ಮಕರಂದ ಹೀರಿದಾ ಭ್ರಮರ
ತಿರುಗಿ ಬಾರದಲ್ಲ
ಉರಿವ ದೀಪಕೆ ಸುಟ್ಟ ರೆಕ್ಕೆಗಳ
ಕನಸು ಕಾಡೂದಿಲ್ಲ
ಮಿನುಗುತಿದೆ ತಾರೆ ಇರುಳ ಬಾನ ತುಂಬ
ಮುಸುಕಿದರೆ ಮೋಡ ಒಂಟಿ ಚಂದ್ರ ಬಿಂಬ

ರವೀಂದ್ರ ನಾಯಕ್ ಸಣ್ಣಕ್ಕಿಬೆಟ್ಟು