ಕೊನೆಗೂ ನೀನು ಬರಲೇ ಇಲ್ಲ,
ನಾನಂದುಕೊಂಡಂತೆ;
ಹಾಗಾಗಿ ನನ್ನಲ್ಲಿ ಯಾವುದೇ
ದೂರುಗಳಿಲ್ಲ.
ನನ್ನೆಲ್ಲ ಇರವು ಅರಿವುಗಳನ್ನೂ
ಮೂಟೆಗಟ್ಟಿ ಎಸೆದುಬಿಟ್ಟಿದ್ದೆ
ನಿಜವಾಗಿಯೂ ಅಲ್ಲಿ
ಯಾವುದನ್ನೂ ಉಳಿಸಲಾಗಲಿಲ್ಲ.
ಹೊರಗೆ ಜಗಮಗಿಸುವ ಬೆಳಕು,
ಮುಖಗಳ ಮೇಲೆ ಮಾತ್ರ
ಕುಣಿಯುವ ಕತ್ತಲು.
ಮಿಂಚೊಂದು ಹೊಳೆದಂತೆ
ಕೈಯೆತ್ತಿ ಮೊರೆಯಿಟ್ಟೆ;
ಇನ್ನೂ ಕೊನೆಯ ಅಂಕ
ಇರುವಂತೆಯೇ ಅಕ್ಷಯವಾಗುವ
ಕ್ಷಣಕ್ಕಾಗಿ ಕಾತರಿಸುತ್ತಾ.
ಇಲ್ಲ,
ಕತೆಯಾಗುವ ಯಾವುದೂ
ಮತ್ತೆ ಸಂಭವಿಸಲೇ ಇಲ್ಲ;
ಎದುರಿನ ಪ್ರೇಕ್ಷಕರೂ
ಎಂದಿನ ಪರಧಿ ದಾಟದೇ
ತಮ್ಮ ತಮ್ಮ ನಿರೀಕ್ಷೆಯಲ್ಲಿಯೇ
ಇದ್ದರು,
ಪರದೆ ಬೀಳುವವರೆಗೆ;
ಕತ್ತಲಾಗುವವರೆಗೆ.
ನನ್ನೊಳಗಿದ್ದ ಕತ್ತಲು
ಹೊರಗೂ ಆವರಿಸಿ
ನಿರಾಳಳಾದೆ;
ಎಲ್ಲಾ ಮುಗಿದ ಮೇಲಿನ
ಅವನ ಭಾವದಂತೆಯೇ.
- - - - - - - - - - - - - - - - - - - - -
ಹೆಣ್ಣಿನ ಮೊರೆ ನಿನಗೆ
ತಲುಪಿದ ದಾಖಲೆಗಳು ಇಲ್ಲಿ
ಸಿಗುವುದಿಲ್ಲ;
ನಿನ್ನ ಕುರುಹುಗಳಿರದ
ತಮ್ಮದೇ ರಾಜ್ಯದಲ್ಲಿ ದುಃಶ್ಯಾಸನರು
ಸೋಲುವುದೂ ಇಲ್ಲ.
ಅವಳಿಗೆ ಮಾತ್ರ
ಅಕ್ಷಯವಾದ ಸೀರೆ
ಮತ್ತೆ ಯಾರಿಗೂ ಸಿಗಲೇ ಇಲ್ಲ;
ಅಂದು ತಲೆ ತಗ್ಗಿಸಿ ಕುಳಿತವರು
ಇಂದಿಗೂ ಎದ್ದಿಲ್ಲ,
ಬಹುಶಃ ಎಂದಿಗೂ.
ರವೀಂದ್ರ ನಾಯಕ್ ಸಣ್ಣಕ್ಕಿಬೆಟ್ಟು
ನಾನಂದುಕೊಂಡಂತೆ;
ಹಾಗಾಗಿ ನನ್ನಲ್ಲಿ ಯಾವುದೇ
ದೂರುಗಳಿಲ್ಲ.
ನನ್ನೆಲ್ಲ ಇರವು ಅರಿವುಗಳನ್ನೂ
ಮೂಟೆಗಟ್ಟಿ ಎಸೆದುಬಿಟ್ಟಿದ್ದೆ
ನಿಜವಾಗಿಯೂ ಅಲ್ಲಿ
ಯಾವುದನ್ನೂ ಉಳಿಸಲಾಗಲಿಲ್ಲ.
ಹೊರಗೆ ಜಗಮಗಿಸುವ ಬೆಳಕು,
ಮುಖಗಳ ಮೇಲೆ ಮಾತ್ರ
ಕುಣಿಯುವ ಕತ್ತಲು.
ಮಿಂಚೊಂದು ಹೊಳೆದಂತೆ
ಕೈಯೆತ್ತಿ ಮೊರೆಯಿಟ್ಟೆ;
ಇನ್ನೂ ಕೊನೆಯ ಅಂಕ
ಇರುವಂತೆಯೇ ಅಕ್ಷಯವಾಗುವ
ಕ್ಷಣಕ್ಕಾಗಿ ಕಾತರಿಸುತ್ತಾ.
ಇಲ್ಲ,
ಕತೆಯಾಗುವ ಯಾವುದೂ
ಮತ್ತೆ ಸಂಭವಿಸಲೇ ಇಲ್ಲ;
ಎದುರಿನ ಪ್ರೇಕ್ಷಕರೂ
ಎಂದಿನ ಪರಧಿ ದಾಟದೇ
ತಮ್ಮ ತಮ್ಮ ನಿರೀಕ್ಷೆಯಲ್ಲಿಯೇ
ಇದ್ದರು,
ಪರದೆ ಬೀಳುವವರೆಗೆ;
ಕತ್ತಲಾಗುವವರೆಗೆ.
ನನ್ನೊಳಗಿದ್ದ ಕತ್ತಲು
ಹೊರಗೂ ಆವರಿಸಿ
ನಿರಾಳಳಾದೆ;
ಎಲ್ಲಾ ಮುಗಿದ ಮೇಲಿನ
ಅವನ ಭಾವದಂತೆಯೇ.
- - - - - - - - - - - - - - - - - - - - -
ಹೆಣ್ಣಿನ ಮೊರೆ ನಿನಗೆ
ತಲುಪಿದ ದಾಖಲೆಗಳು ಇಲ್ಲಿ
ಸಿಗುವುದಿಲ್ಲ;
ನಿನ್ನ ಕುರುಹುಗಳಿರದ
ತಮ್ಮದೇ ರಾಜ್ಯದಲ್ಲಿ ದುಃಶ್ಯಾಸನರು
ಸೋಲುವುದೂ ಇಲ್ಲ.
ಅವಳಿಗೆ ಮಾತ್ರ
ಅಕ್ಷಯವಾದ ಸೀರೆ
ಮತ್ತೆ ಯಾರಿಗೂ ಸಿಗಲೇ ಇಲ್ಲ;
ಅಂದು ತಲೆ ತಗ್ಗಿಸಿ ಕುಳಿತವರು
ಇಂದಿಗೂ ಎದ್ದಿಲ್ಲ,
ಬಹುಶಃ ಎಂದಿಗೂ.
ರವೀಂದ್ರ ನಾಯಕ್ ಸಣ್ಣಕ್ಕಿಬೆಟ್ಟು
No comments:
Post a Comment