ಎದೆನೆಲದ ಕುದಿಗೆಲ್ಲ
ಹದವಾದ ಮಳೆ ಸುರಿದು
ಮೆದುವಾಗಿ ಲವಲವಿಕೆ ಮನದ ತುಂಬ
ಮುದದಲ್ಲಿ ಮುಳುಗಿರಲು
ಚದುರಿ ಕರಿಮೋಡಗಳು
ಕದಿರೊಂದು ಬಳುಕಿತ್ತು ಚಂದ್ರ ಬಿಂಬ
ಮುಂಗುರುಳು ತುಟಿತಾಕಿ
ಕೆಂಗರುವು ಕುಣಿದಂತೆ
ಚೆಂಬವಳ ಹೊಳೆದಿತ್ತು ಕೆನ್ನೆಯಲ್ಲಿ
ಅಂಗನಾಮಣಿಯವಳು
ಸಿಂಗರದಿ ಬರುವಾಗ
ಬೆಂಗದಿರ ಕಳೆಯಿಲ್ಲ ಬಾನಿನಲ್ಲಿ
ನೋಟ ಮರೆವಾ ಚೆಲುವು
ಮಾಟಗೊಳಿಸುತಲಿರಲು
ಕೋಟೆಯರಮನೆಯೆಲ್ಲ ಬರಿದೆ ನೆನಪು
ಮೀಟಿ ಮನಸಿನ ತಂತಿ
ನಾಟ ರಾಗವು ನುಡಿಯೆ
ದಾಟಿಯೆಲ್ಲವ ಬರಿದೆ ನಿನ್ನ ವಶವು
ರವೀಂದ್ರ ನಾಯಕ್ ಸಣ್ಣಕ್ಕಿಬೆಟ್ಟು
ಹದವಾದ ಮಳೆ ಸುರಿದು
ಮೆದುವಾಗಿ ಲವಲವಿಕೆ ಮನದ ತುಂಬ
ಮುದದಲ್ಲಿ ಮುಳುಗಿರಲು
ಚದುರಿ ಕರಿಮೋಡಗಳು
ಕದಿರೊಂದು ಬಳುಕಿತ್ತು ಚಂದ್ರ ಬಿಂಬ
ಮುಂಗುರುಳು ತುಟಿತಾಕಿ
ಕೆಂಗರುವು ಕುಣಿದಂತೆ
ಚೆಂಬವಳ ಹೊಳೆದಿತ್ತು ಕೆನ್ನೆಯಲ್ಲಿ
ಅಂಗನಾಮಣಿಯವಳು
ಸಿಂಗರದಿ ಬರುವಾಗ
ಬೆಂಗದಿರ ಕಳೆಯಿಲ್ಲ ಬಾನಿನಲ್ಲಿ
ನೋಟ ಮರೆವಾ ಚೆಲುವು
ಮಾಟಗೊಳಿಸುತಲಿರಲು
ಕೋಟೆಯರಮನೆಯೆಲ್ಲ ಬರಿದೆ ನೆನಪು
ಮೀಟಿ ಮನಸಿನ ತಂತಿ
ನಾಟ ರಾಗವು ನುಡಿಯೆ
ದಾಟಿಯೆಲ್ಲವ ಬರಿದೆ ನಿನ್ನ ವಶವು
ರವೀಂದ್ರ ನಾಯಕ್ ಸಣ್ಣಕ್ಕಿಬೆಟ್ಟು
No comments:
Post a Comment