ತಿರುಗಿ ಕಳೆವ ಕಾಲವನ್ನು
ಹೊರೆಯ ಹೊತ್ತು ಹಾಳುಮಾಡಿ
ಹರೆಯ ಕರಗಿತೆಂದು ಮರುಗಿ ಹಳೆಯ ಜೋಡಿಯು
ಮರೆತ ದಿನದ ನೆನಪು ಕಾಡಿ
ಕರೆದರವರು ಸಭೆಯನೊಂದು
ಸರಿದು ನೋಡುವಂತೆ ಮತ್ತೆ ಪರದೆ ತೆರೆದರು
ಹೊತ್ತು ಮುಳುಗೊ ಸಮಯದಲ್ಲಿ
ಕತ್ತು ನೇರ ಮಾಡಿನಿಂತು
ಎತ್ತ ಹೋದನೆಂದು ಪತಿಯು ದಿನವು ಕೊರಗಿಹೆ
ಮತ್ತೆ ಬರದ ಹಾದಿ ನೋಡಿ
ಅತ್ತುಗರೆದು ಮಗನ ಜೊತೆಗೆ
ಸುತ್ತು ಹಾಕಿ ಪೇಟೆ ಪೂರ ನಾನು ಬಳಲಿಹೆ
ಕೇಳಿ ಸತಿಯ ಕೊಂಕು ಮಾತು
ಗೇಲಿ ಮಾಡಿದಂತೆ ತೋರಿ
ನೀಲಿ ಬಾನಿನತ್ತ ನೋಡಿ ಚಿಂತೆ ಮಾಡಲು
ತೇಲಿ ಹಳೆಯ ದಿನಗಳಲ್ಲಿ
ಕೀಳು ಜನರ ಸಂಗಮಾಡಿ
ಗೀಳು ಹತ್ತಿ ಕೆಟ್ಟೆನಂದು ಜೂಜು ಕಾಡಲು
ಎಲ್ಲ ಕೇಳಿ ಸುಮ್ಮನಿದ್ದು
ಬಿಲ್ಲು ಹೆದೆಯನೇರದಿರಲು
ಸುಳ್ಳನೆಂದು ಸತಿಯು ತನ್ನನೆಂದುಕೊಂಡರೆ
ಒಳ್ಳೆಯವರ ನಡುವಿನಲ್ಲು
ಸಲ್ಲಲಿಲ್ಲವೆಲ್ಲು ನೀನು
ಮಳ್ಳಿಯಂತೆ ಮಂದಿ ನಡುವೆ ಜಗಳವಾಡಿದೆ
ಗತದ ನೆನಪು ಮಾಡಿ ಕೊಡಲು
ಕಿತಮನೆಂದು ಸಿಡುಕಿ ಮುನಿದು
ಗತಿಸಿ ಹೋದ ತಾಯ ನೆನೆದು ದೂರ ಕುಳಿತಳು
ಸತಿಯ ಕೂಡೆ ಜಗಳವಾಡಿ
ಪತಿಯು ಗೆಲುವು ಕಾಣದೆಂದು
ಹಿತದ ಮಾತು ಮತಿಗೆ ತಾಕಿ ಮುಗುಳು ನಕ್ಕನು
ರವೀಂದ್ರ ನಾಯಕ್ ಸಣ್ಣಕ್ಕಿಬೆಟ್ಟು
ಹೊರೆಯ ಹೊತ್ತು ಹಾಳುಮಾಡಿ
ಹರೆಯ ಕರಗಿತೆಂದು ಮರುಗಿ ಹಳೆಯ ಜೋಡಿಯು
ಮರೆತ ದಿನದ ನೆನಪು ಕಾಡಿ
ಕರೆದರವರು ಸಭೆಯನೊಂದು
ಸರಿದು ನೋಡುವಂತೆ ಮತ್ತೆ ಪರದೆ ತೆರೆದರು
ಹೊತ್ತು ಮುಳುಗೊ ಸಮಯದಲ್ಲಿ
ಕತ್ತು ನೇರ ಮಾಡಿನಿಂತು
ಎತ್ತ ಹೋದನೆಂದು ಪತಿಯು ದಿನವು ಕೊರಗಿಹೆ
ಮತ್ತೆ ಬರದ ಹಾದಿ ನೋಡಿ
ಅತ್ತುಗರೆದು ಮಗನ ಜೊತೆಗೆ
ಸುತ್ತು ಹಾಕಿ ಪೇಟೆ ಪೂರ ನಾನು ಬಳಲಿಹೆ
ಕೇಳಿ ಸತಿಯ ಕೊಂಕು ಮಾತು
ಗೇಲಿ ಮಾಡಿದಂತೆ ತೋರಿ
ನೀಲಿ ಬಾನಿನತ್ತ ನೋಡಿ ಚಿಂತೆ ಮಾಡಲು
ತೇಲಿ ಹಳೆಯ ದಿನಗಳಲ್ಲಿ
ಕೀಳು ಜನರ ಸಂಗಮಾಡಿ
ಗೀಳು ಹತ್ತಿ ಕೆಟ್ಟೆನಂದು ಜೂಜು ಕಾಡಲು
ಎಲ್ಲ ಕೇಳಿ ಸುಮ್ಮನಿದ್ದು
ಬಿಲ್ಲು ಹೆದೆಯನೇರದಿರಲು
ಸುಳ್ಳನೆಂದು ಸತಿಯು ತನ್ನನೆಂದುಕೊಂಡರೆ
ಒಳ್ಳೆಯವರ ನಡುವಿನಲ್ಲು
ಸಲ್ಲಲಿಲ್ಲವೆಲ್ಲು ನೀನು
ಮಳ್ಳಿಯಂತೆ ಮಂದಿ ನಡುವೆ ಜಗಳವಾಡಿದೆ
ಗತದ ನೆನಪು ಮಾಡಿ ಕೊಡಲು
ಕಿತಮನೆಂದು ಸಿಡುಕಿ ಮುನಿದು
ಗತಿಸಿ ಹೋದ ತಾಯ ನೆನೆದು ದೂರ ಕುಳಿತಳು
ಸತಿಯ ಕೂಡೆ ಜಗಳವಾಡಿ
ಪತಿಯು ಗೆಲುವು ಕಾಣದೆಂದು
ಹಿತದ ಮಾತು ಮತಿಗೆ ತಾಕಿ ಮುಗುಳು ನಕ್ಕನು
ರವೀಂದ್ರ ನಾಯಕ್ ಸಣ್ಣಕ್ಕಿಬೆಟ್ಟು
No comments:
Post a Comment