ಕೃಷ್ಣ ಕನ್ನಡಿ...

ಚಿತ್ರ: Avinash K Nagaraj

ಕೃಷ್ಣನ ಕೊಳಲಿನ ನಾದದಲಿ ಜಗದ ಒಲುಮೆಯಿದೆ
ನಗುವ ನವಿಲಿನ ಗರಿಯಲ್ಲಿ ಬಾಳಿನ ಚಿಲುಮೆಯಿದೆ
ಅವನಲ್ಲಿ ಇರಿಸು ಮನ
ಆ ಸನಿಹವೆ ಬೃಂದಾವನ

ಬೆಣ್ಣೆಯ ಕದಿಯುವ ಪೋರನ ಕಣ್ಣಲು
ಕಳ್ಳನೆ ಕಾಣಿಸಿದ
ಹೆಣ್ಣನು ಕಾಡುವ ಮಾರನ ಕೃತಿಯೊಳು
ಮಳ್ಳನೆ ಕಾಣಿಸಿದ
ಕಾಣಲು ಕನ್ನಡಿಯೊಳಗೆ ಕಂಡೆನು ನನ್ನದೇ ರೂಪ
ಕಾಣದು ಅಚ್ಯುತನೊಸಗೆ ಮುಸುಕಿರೆ ಮಾಯೆಯ ಧೂಪ

ಹೊಳೆಯುವ ಹೂವಿನ ಸೆಳೆತಕೆ ಸಿಕ್ಕಲು
ಪರವಶ ನಾನದೆ
ಚಿಕ್ಕೆಯ ಕದಿರನು ತೋರುವ ದುಂಬಿಗೆ
ಕುರುಡನು ನಾನದೆ
ಕಾಡಲು ಭಾವದ ಲಹರಿ ಕೇಳಿತು ಕೃಷ್ಣನ ಮುರಳಿ
ಕಳೆಯಿತು ಹೃನ್ಮನದಿರುಳು ನೋಡಲು ಮೈಮನವರಳಿ

ರವೀಂದ್ರ ನಾಯಕ್ ಸಣ್ಣಕ್ಕಿಬೆಟ್ಟು