Photo: Naveen Kumar

#ಬದುಕು

೧)

ಬಾಚಿದಷ್ಟು ಮರಳು
ಈ ಜಗಕ್ಕೆಲ್ಲಾ ಸುಖದ ಮರುಳು;
ಸೋರಿ ಉಳಿದಷ್ಟು ಮಾತ್ರ
ಬೊಗಸೆಗೆ ದಕ್ಕುವುದಿಲ್ಲಿ ಬದುಕ ಹರಳು!

೨)

ಯಾವ ಸೂತ್ರದೊಳಗೂ
ನಿಲುಕದ ಬದುಕೊಂದು ವಿಚಿತ್ರ;
ಬೆನ್ನ ಹಿಂದೆ ಸದ್ದಿಲ್ಲದೇ
ತಿರುಗುತ್ತಿದೆ ಅವನ ಕಾಲಚಕ್ರ!

೩)

ದಡದಲ್ಲಿಯೇ ನಿಂತು ನಿರಾಳ
ಕಾಯುತ್ತಿರುವ ಬದುಕು ನಮ್ಮ ಸೊತ್ತು?
ದೂರದಲ್ಲಿ ಆರುತ್ತಿರುವ ಬೆಳಕು
ತೀರಕ್ಕೂ ಇರುಳ ಚೆಲ್ಲುವುದೆಷ್ಟು ಹೊತ್ತು?

ರವೀಂದ್ರ ನಾಯಕ್ ಸಣ್ಣಕ್ಕಿಬೆಟ್ಟು