ಬೆಳಕಿಗೆ ಕಣ್ಣು ತೆರೆಯುವ
ಮೊದಲೇ ನಾನಾ ದಾರಗಳಿಂದ
ಬಿಗಿದು ಬೀಗ
ಜಡಿಯಲಾಗಿದೆ.
ಎಳೆ ಬಿಸಿಲುಗೂ
ಸುಡುವ ದೇಹಕ್ಕೆ
ಬಲವಂತದ ಬಂಧನ.
ಕಷ್ಟಪಟ್ಟು ಕಣ್ಣು ತೆರೆದು
ನೋಡುತ್ತೇನೆ,
ಎದುರಿಗೆ ಚಿತ್ರ ವಿಚಿತ್ರ
ವೇಷಭೂಷಣದ,
ಬೇರೆ ಬೇರೆ ಬಣ್ಣಗಳ ಜನರು.
ಅವರ ಕೈಗಳಲ್ಲಿ ಬೇರೆ ಬೇರೆ
ಕೀಲಿ ಕೈಗಳು.
ಪ್ರಶ್ನಾರ್ಥಕವಾಗಿ ನೋಡಿದೆ,
'ಯಾವ ಕೀಲಿಕೈಯಾದರೂ
ಆರಿಸಿಕೋ,
ಅವರು ನಿನ್ನನ್ನು ಬಿಡಿಸಿ
ತಮ್ಮೊಂದಿಗೆ ಕರೆದೊಯ್ಯುತ್ತಾರೆ,
ತಮ್ಮವರನ್ನಾಗಿ ಮಾಡುತ್ತಾರೆ'
ಯಾರ ಮಾತೋ ತಿಳಿಯಲಿಲ್ಲ.
ಬಲವಂತದ ಆಯ್ಕೆಯ
ಈ ಪ್ರಕ್ರಿಯೆ
ಬಿಡುಗಡೆಯೋ, ಮತ್ತೆ
ಬಂಧನವೋ
ಅರಿಯದ ಸ್ಥಿತಿ.
ಯಾರ ಬಂಧಿಯಾಗಲೂ
ಮನಸ್ಸಾಗದೇ,
ಲೋಕಕ್ಕೂ ಬರಲಾಗದೇ,
ತೆರೆದ ಕಣ್ಣು
ಮತ್ತೆ ಮುಚ್ಚಿದವು;
ಮತ್ತೆಂದೂ ತೆರೆಯದಂತೆ.
ಮೊದಲೇ ನಾನಾ ದಾರಗಳಿಂದ
ಬಿಗಿದು ಬೀಗ
ಜಡಿಯಲಾಗಿದೆ.
ಎಳೆ ಬಿಸಿಲುಗೂ
ಸುಡುವ ದೇಹಕ್ಕೆ
ಬಲವಂತದ ಬಂಧನ.
ಕಷ್ಟಪಟ್ಟು ಕಣ್ಣು ತೆರೆದು
ನೋಡುತ್ತೇನೆ,
ಎದುರಿಗೆ ಚಿತ್ರ ವಿಚಿತ್ರ
ವೇಷಭೂಷಣದ,
ಬೇರೆ ಬೇರೆ ಬಣ್ಣಗಳ ಜನರು.
ಅವರ ಕೈಗಳಲ್ಲಿ ಬೇರೆ ಬೇರೆ
ಕೀಲಿ ಕೈಗಳು.
ಪ್ರಶ್ನಾರ್ಥಕವಾಗಿ ನೋಡಿದೆ,
'ಯಾವ ಕೀಲಿಕೈಯಾದರೂ
ಆರಿಸಿಕೋ,
ಅವರು ನಿನ್ನನ್ನು ಬಿಡಿಸಿ
ತಮ್ಮೊಂದಿಗೆ ಕರೆದೊಯ್ಯುತ್ತಾರೆ,
ತಮ್ಮವರನ್ನಾಗಿ ಮಾಡುತ್ತಾರೆ'
ಯಾರ ಮಾತೋ ತಿಳಿಯಲಿಲ್ಲ.
ಬಲವಂತದ ಆಯ್ಕೆಯ
ಈ ಪ್ರಕ್ರಿಯೆ
ಬಿಡುಗಡೆಯೋ, ಮತ್ತೆ
ಬಂಧನವೋ
ಅರಿಯದ ಸ್ಥಿತಿ.
ಯಾರ ಬಂಧಿಯಾಗಲೂ
ಮನಸ್ಸಾಗದೇ,
ಲೋಕಕ್ಕೂ ಬರಲಾಗದೇ,
ತೆರೆದ ಕಣ್ಣು
ಮತ್ತೆ ಮುಚ್ಚಿದವು;
ಮತ್ತೆಂದೂ ತೆರೆಯದಂತೆ.
No comments:
Post a Comment