ನನಗೆ ಎಲ್ಲರ ಬದುಕನ್ನು
ಇಣುಕಿ ನೋಡುವ
ಕೆಟ್ಟ ಚಪಲ.
ಇಲ್ಲಿ ನನಗೆ ಸಿಕ್ಕದ್ದು,
ಸಿಕ್ಕಿಯೂ ಇಷ್ಟವಿಲ್ಲದ್ದು;
ಯಾರಿಗೆಲ್ಲಾ ಸಿಕ್ಕಿದೆಯೋ?
ಇದ್ದರೆ ಅದು ಎಂಥದ್ದು,
ಎಂದು ಕಾಣೋ ಆತುರ.
ಆದರೆ ಪ್ರತೀ ಸಲವೂ
ಹೀಗೆ ತಡಕಾಡುವಾಗ ಅಚ್ಚರಿಗೊಳ್ಳುತ್ತೇನೆ.
ಅವರ ಆಸ್ತಿಯನ್ನು
ಆಸೆಯಿಂದ ನೋಡುವಾಗ ,
ಅಲ್ಲಿ ದಕ್ಕಿದ ವಸ್ತುವಿಗಾಗಿ
ಅಸೂಯೆ ಪಡುವಾಗ
ಅವರನ್ನು ಹುಡುಕುತ್ತೇನೆ.
ಎಲ್ಲಾ ಇದ್ದರೂ
ಅವರು ಮಾತ್ರ ಅಲ್ಲಿ
ಸಿಗುವುದೇ ಇಲ್ಲ.
ಅವರು ಅವರ ಪರಿಧಿಯನ್ನು ದಾಟಿ
ಇನ್ಯಾರದೋ ಬದುಕನ್ನು
ಇಣುಕುತಿರುತ್ತಾರೆ...!
ಓ ಬದುಕೇ
ನೀನೇಕೆ ಹೀಗೆ?.
No comments:
Post a Comment