ಭಾವನಾ    

ಯಾವುದೋ ಭಾವ ಯಾರಿಗೋ ಮೀಸಲು

ಹೃದಯದೊಳಗಿನ ತುಮುಲ ಬಲ್ಲವರು ಯಾರು?

ಮನಸು ಮನಸಿನ ಮಾತು ಅರಿಯುವ ಮೊದಲೇ

ಸ್ವಂತ ನನಗೆಂದು ಕಾಡುವುದು ತರವೇ?;

ಅಂತರಂಗದ ದನಿಯ ಕೇಳುವಾ ಮೊದಲೇ

ಇನ್ನು ಸಾಕೆಂದು ಹೊರಡುವುದು ಸರಿಯೇ?.

ಹುಚ್ಚು ಮನಸಿಯ ತುಂಬ ನಿನ್ನ ವದನದ ಬಿಂಬ

ಕಣ್ಣೀರುಗರೆಯದ ಕಣ್ಣುಗಳೇ ಭಾರ;

ಮೂಕ ಹೃದಯದ ಕದವ ತೆರೆದ ಮಾತಿನ ಲಹರಿ

ಭಾವ ಮರೆಸುವ ನಗುವು ಎಲ್ಲೋ ದೂರ. 

ಮೌನ ಮಾತಿನ ನಡುವೆ ಎಂದೂ ನಿಲ್ಲದ ಜಗಳ

ಸ್ನೇಹ ಪ್ರೀತಿಯ ಸಂಕ ಕಟ್ಟುವವರು ಯಾರು?;

ಮನಸು ಹೃದಯದ ಬೆಸುಗೆ,ಭಾವ ಬಂಧನ ಸರಳ

ಹಕ್ಕಿ ಹಾಡಿನ ಕೊರಳ ಮರೆತವರು ಯಾರು?