ನನ್ನವಳಿಗೆ
ಹೆಜ್ಜೆ ಗುರುತು ಮೂಡಿದೆ
ಮನದಂಗಳದಲ್ಲಿ ನಿನ್ನದೇ;
ನಿನ್ನ ನೆನಪ ಮಧುರ ವೀಣೆ
ಮೀಟುತ್ತಿದೆ ನನ್ನೆದೆ.
ಭರವಸೆಗಳ ಕಾರಂಜಿ
ಚಿಮ್ಮುತ್ತಿದೆ ಮೆಲ್ಲಗೆ;
ಮೈಮನಗಳಿಗೆ ಕಂಪೆರೆಯುತ್ತಿದೆ
ನೀ ಮುಡಿದಾ ಮಲ್ಲಿಗೆ.
ನಿನ್ನ ಸಣ್ಣ ನೋಟಕ್ಕೆ
ಬದುಕ ಕಿಟಕಿ ತೆರೆದಿದೆ;
ಬೆಚ್ಚನೆಯ ಹೂ ಸ್ಪರ್ಶಕ್ಕೆ
ಬಾಳಕೊಂಡಿ ಬೆಸೆದಿದೆ.
ಸರಸ ವಿರಸ ಏನೇ ಇರಲಿ
ಒಂದಾಗಿ ಬೆರೆಯುವ;
ಸಮರಸದ ಸಾರ ಇರಲಿ
ಪ್ರೀತಿಯಿಂದ ಸವಿಯುವ.
ಎನ್ನ ಮನದ ಮೂಕ ಭಾಷೆ
ಮಾತಾಗಿ ನುಡಿದಿದೆ;
ಒಡಲಾಳದ ಭಾವ ತೃಷೆ
ಕವಿತೆಯಾಗಿ ಹಾಡಿದೆ.
super ravi
ReplyDelete