ಓ ಮಹಾತ್ಮಾ
ನೀನಿನ್ನೆಷ್ಟು ಬಾರಿ ಸಾಯಬೇಕೋ?
ಸತ್ತು ಗೋರಿಯೊಳಗೆ ಮಲಗಿರುವ
ನಿನ್ನನ್ನು ಮತ್ತೆ ಮತ್ತೆ ಹೊರಗೆಳೆದು
ಕೊಲ್ಲುವುದೇ
ಎಲ್ಲದಕ್ಕೂ ಪರಿಹಾರವಾದ ಮೇಲೆ.

ಮನುಕುಲದ ಹೂವ
ಹೊಸಕಿರುವವರಿಗಾಗಿ ನಾವೀಗ
ಗುಡಿ ಕಟ್ಟುತಿದ್ದೇವೆ.
ನೀನು ಮೊದಲಿನಿಂದಲೂ
ಬೀದಿಯಲ್ಲೇ ಕುಳಿತವನು
ಅಲ್ಲೇ ಮಲಗಿದವನು,
ನಿನಗೆ ಬೇಸರವಾಗಲಿಕ್ಕಿಲ್ಲ;
ನಿನ್ನನ್ನಲ್ಲೇ ಪ್ರತಿಷ್ಟಾಪಿಸಿದ್ದೇವೆ.

ನಿನ್ನ ಕೋಲಿಗೆ ಹೆದರುವವರು
ಇಲ್ಲಿ ಯಾರೂ ಉಳಿದಿಲ್ಲ;
ನಾವೆಲ್ಲಾ ಕೋವಿಯನ್ನು
ಅಪ್ಪಿಕೊಂಡಿದ್ದೇವೆ.