ಬರಿದಾಗಿದ್ದೇನೆ

ನಾನು ಘೋಷಿಸುವುದಿಲ್ಲ, ಆದರೆ
ನನ್ನಲ್ಲಿ ಏನೂ ಉಳಿದಿಲ್ಲ.
ನಿನ್ನೆಯ ಬೇರುಗಳಲ್ಲೇ ಉಳಿದಿದ್ದೇನೆ,
ಹೊಸ ಹೂ ಇನ್ನೂ ಬಿಟ್ಟಿಲ್ಲ.
ಬರೀ ನಿನ್ನೆಗಳನ್ನೇ ಮೆಲುಕುತಿದ್ದೇನೆ.
ಅರಳುವ ಮು೦ಜಾವುಗಳನ್ನೇಲ್ಲಾ ದ್ವೇಷಿಸುತ್ತಾ
ಕತ್ತಲ ಗುಹೆಯೊಳಗೆ ಕಣ್ಣು ಮುಚ್ಚಿದ್ದೇನೆ.
ವೈಭವದ ದಿನಗಳೆಲ್ಲಾ ನೆನಪುಗಳಾಗಿ
ಅಕ್ಷರವಿರದ ಪುಟಗಳಲ್ಲಿ ಮಲಗಿವೆ.
ಯಶಸ್ಸಿನ ಸಮಾಧಿಯ ಮೇಲೆಲ್ಲಾ
ಮುಳ್ಳುಗಳನ್ನು ಹೇರಿಯಾಗಿದೆ;
ಅಲ್ಲಿ ನನಗೂ ಪ್ರವೇಶವಿಲ್ಲ.
ಇಲ್ಲದ್ದನ್ನು ಹುಡುಕಲು ಬೆನ್ನ
ಹಿ೦ದೆ ಬರುವವರ ಬಗ್ಗೆ ಮರುಕವಿದೆ.


ಅಭಿನಯ ಮರೆತ ನಟ ನಾನು;
ಪಾತ್ರ ಪೋಷಿಸುವುದೇ?.
ಕೊನೆಯಾಗುವುದನ್ನೇ ಕಾಯುತಿದ್ದೇನೆ.